Pain

Bakit may masasamang tao, lasinggero, basagulero, babaero, sugalero, sinungaling, mayabang, magnanakaw, mamamatay tao, rapist, kidnapper at kung ano pang mga kasamaan?

Alam niyo ba na kung nasain mong maging masama e lalo ka palang magiging masama dahil ibibigay ka ng Dios sa isang mahalay na pagiisip.

Romans 1:28 At palibhasa’y hindi nila minagaling na kilalanin ang Dios, ibinigay sila ng Dios sa isang mahalay na pagiisip, upang gawin yaong mga bagay na hindi nangararapat;

Maiisip mo, ganun ba ka-brutal ang Dios at tayo’y kanyang nilalagyan ng pain para ka matukso?

James 1:13 Huwag sabihin ng sinoman pagka siya’y tinutukso, Ako’y tinutukso ng Dios; sapagka’t ang Dios ay hindi matutukso sa masamang bagay, at hindi rin naman siya nanunukso sa kanino man:

Ang tao ay natutukso o nahihikayat ng kanyang sariling masamang pita.

James 1:14-15 Kundi ang bawa’t tao ay natutukso, pagka nahihila ng sariling masamang pita at nahihikayat. Kung magkagayo’y ang kahalayan, kung maipaglihi ay nanganganak ng kasalanan: at ang kasalanan, pagka malaki na ay namumunga ng kamatayan.

Maaaring may pagkakataon  minsan  na natukso ka dahil dinaya ka ni  Satanas  pero lahat ba dapat ng pain ay sasagpangin mo?  May mga gawa ang tao na nanggagaling mismo sa kanyang sariling masamang pita o sariling kasamaan at hindi natin puedeng ikatwiran na tayo ay tao lamang na marupok kaya natukso sapagkat mayroon tayong kapangyarihan na magpasya.

Jas 1:12 Mapalad ang taong nagtitiis ng tukso; sapagka’t pagkasubok sa kaniya, siya’y tatanggap ng putong ng buhay, na ipinangako ng Panginoon sa mga nagsisiibig sa kaniya.

Pilosopong sagot ni Manong, eh bulate naman yang pain mo, bakit isda ba ako? Ikaw naman, props lang yan. Huwag mo siyang sasagpangin. Baka pati riyan e matukso ka eh hindi naman yan para sa iyo.

At kung nasain mo naman ang mabuti ay makakatanggap ka ng sakdal na kaloob.

James 1:17 Ang bawa’t mabuting kaloob at ang bawa’t sakdal na kaloob ay pawang buhat sa itaas, na bumababa mula sa Ama ng mga ilaw, na walang pagbabago, ni kahit anino man ng pagiiba.

Kung tayo nga, bagaman masasama, ay marurunong mangagbigay ng mabubuting kaloob sa ating mga anak, gaano pa kaya ang ating Ama sa kalangitan?

Psalms 145:16 Iyong binubuksan ang iyong kamay, at sinasapatan mo ang nasa ng bawa’t bagay na may buhay.

Oo nga naman. Mga parekoy, nakakita na ba kayo ng ipis na namatay sa gutom?

Tignan mo siya, patay na pero malaki pa rin ang tiyan.