Dila

Ang bawa’t uri ng mga hayop at mga ibon, ng mga nagsisiusad at mga bagay sa dagat, ay pinaaamo, at napaaamo ng tao sa pamamagitan ng dila bagama’t isa lang itong maliit na sangkap ng katawan.

James 3:9 Siyang ating ipinagpupuri sa Panginoon at Ama; at siyang ating ipinanglalait sa mga taong ginawang ayon sa larawan ng Dios:

Maging ang preno ng kabayo ay naroon sa kanyang bibig anopa’t pati ang kanyang buong katawan ay napapasunod dito. Ang dila ay isang maliit na sangkap na hindi nagpapahinga.

Jas 3:5 Gayon din naman ang dila ay isang maliit na sangkap, at nagpapalalo ng malalaking bagay. Narito, kung gaano kalaking gubat ang pinagaalab ng lubhang maliit na apoy!

Maliit na sangkap subali’t mapang-api at mapagtungayaw.

Ps 10:7 Ang kaniyang bibig ay puno ng panunungayaw, at pagdaraya, at pang-aapi: sa ilalim ng kaniyang dila ay kalikuan at kasamaan.

Datapwa’t kung hindi na manalo sa katwiran at katotohanan, hahabi at gagawa na ito ng puro kasinungalingan.

Jer 18:18 Nang magkagayo’y sinabi nila, Kayo’y magsiparito, at tayo’y magsikatha ng mga katha-katha laban kay Jeremias; sapagka’t ang kautusan ay hindi mawawala sa saserdote, o ang payo man sa pantas, o ang salita man sa propeta. Kayo’y magsiparito, at ating saktan siya ng dila, at huwag nating pansinin ang kaniyang mga salita.

Sa loob ng pamilya, opisina kung saan ka nagtatrabaho maging sa pagsasama-sama sa loob ng Iglesia ay naroon ang mga tinatawag na kapatid na may dilang hindi nagpapahinga.

Rom 3:13 Ang kanilang lalamunan ay isang libingang bukas; Nagsigamit ng daya sa pamamagitan ng kanilang mga dila: Ang kamandag ng mga ulupong ang siyang nasa ilalim ng kanilang mga labi:

Iligtas mo ang aking kaluluwa, Oh Panginoon, sa mga sinungaling na labi, at mula sa magdarayang dila na kung saan ako dumoon, sila naman ay naroon.