Mana

Sa pagkamatay ng isang mahal sa buhay ay hindi matatawarang lungkot ang babalot sa mga naiwanan maging hanggang sa ito ay maihatid sa kanyang huling hantungan, ang libingan ng mga patay.

Sa pagsasa-ayos ng mga naiwang ari-arian ay hindi maiwasan ang kaunting sigalot na minsan ay humahantong pa sa hukuman ng mga tao. Ang masaklap ay  kung sila-sila ay magpapatayan.

Ang mga ari-ariang nasisira at di nananatili ay hindi dapat imbutin.

1 Jn 2:15 Huwag ninyong ibigin ang sanglibutan, ni ang mga bagay na nasa sanglibutan. Kung ang sinoman ay umiibig sa sanglibutan, ay wala sa kaniya ang pagibig ng Ama.

May isang mana na inilaan para sa ating lahat bakit hindi ito ang pagsikapan nating makuha?

1 Peter 1:4 Sa isang manang di nasisira, at walang dungis, at hindi kumukupas, na inilaan sa langit para sa inyo,

Ang nakakamangha dito ay hindi pa raw natin ito nakita, narinig o ninasa man ng ating puso.

1 Cor 2:9 Datapuwa’t gaya ng nasusulat, Ang mga bagay na hindi nakita ng mata, at ni narinig ng tainga, Ni hindi pumasok sa puso ng tao, Anomang mga bagay na inihanda ng Dios sa kanila na nangagsisiibig sa kaniya.

Ano kaya yun? At kung alam mo at naisip mo na e di hindi nga iyon!

Pero may kaunting patikim ang kasulatan. Ang lansangan ng bayan ng Dios na lalakaran ng mga magiging dapat ay dalisay na ginto.

Rev 21:21 At ang labingdalawang pintuan ay labingdalawang perlas; at bawa’t pinto ay isang perlas; at ang lansangan ng bayan ay dalisay na ginto, na gaya ng nanganganinag na bubog.

Rev 21:22 At hindi ako nakakita ng templo doon: sapagka’t ang Panginoong Dios, ang Makapangyarihan sa lahat, at ang Cordero ay siyang templo doon.

Rev 21:23 At ang bayan ay hindi nangangailangan ng araw, o ng buwan man, upang lumiwanag sa kaniya: sapagka’t nililiwanagan ng kaluwalhatian ng Dios, at ang ilaw doon ay ang Cordero.

Hanep naman tsong, kalsada pa lang yan?

Wala ng duda duda pa. Hindi sa Davao ang bagong langit at lupa na katulad ng sinasabi ni Apollo Quiboloy. Hindi ka pa ba nakakahalata na pinagloloko ka lamang niyan? Galaw galaw, gising kang natutulog, paniwalaan mo ang sinasabi ng kasulatan.

Is 65:17 Sapagka’t narito, ako’y lumilikha ng mga bagong langit, at ng bagong lupa, at ang mga dating bagay ay hindi maaalaala, o mapapasa isip man.

Rev 21:1 At nakita ko ang isang bagong langit at ang isang bagong lupa: sapagka’t ang unang langit at ang unang lupa ay naparam; at ang dagat ay wala na.